Bado ke çeteyê  dewleta tirke El Nusra înanê ke nameyê ''Heyet Tehrîr El Şam'' girewt, kewtî merkezê Helebî bajar de barkerdişî dest pêkerd.

Netîceya bombardumanê çeteyan ê dormeyê Unîversîteya Helebî de çar wendekaran dinyaya xo bedilnaye û xeylê wendekarî birîndar bîyî.

Îdareyê Bêrê Sînorî yê Boasî yê Kantonê Tebqa ard ziwan ke Helebî ra xeylê wendekarî û bi hezaran rojawanijî agêrayî bajaranê xo.

Yewîyanê Ramitoxan ê Kantonê Reqa zî da zanayene ke seba ke resnayîş bibo rehet înan 60 otobusî şawitî Heleb.