Hemsereka Pêroyî ya HDPyî Pervîne Buldan pîya bi îdarekaranê HDPyî yê Îstanbulî û Wekîl Ferhat Encuyî wendekarê Unîversîteya Bogaziçi yê ke vera rektorê qeyûmî yê AKPyî xoverdayîş de yê, keyeyanê înan de ê zîyaret kerdî.

Wendekaran ra Enes Karakaşî vilabîyayîşê çalakîya înan ra keyfewşîya xo ard ziwan û vat ganî xoverdayîş  xurtêr bo.Devrîm Bariş Yilmazî zî ard ziwan ke caardişê antîdekoratîkî yê Tirkîya rîyê çarenêkerdişê meseleya kurdî ra ciwîyenê  û vat ê zî paştî danê têkoşînê HDPyî. Elîfe Bayrburt zî bale ante prosesê têkoşînî, krîzê ke welat de ciwîyenê û muhîmîya têkoşînê hemparî ser.

Buldane zî şertanê zehmetan ê wendekaran ser o vinderte û vat: ''Heta ke hukmatê AKPyî nêro wardayenê xeles çîn o. Coka ganî ma pêro pîya têkoşîn bikerê û xeyalanê xo yê welatêkê demokratîkî bîyarê ca.''

Wendekaran 3 ripelê ke tede ercnayîş û waştişê înan ê derheqê munaqeşeyanê qanûnê bingeyî ca genê teslîmê Buldane kerdî. Buldane vat ê do Heyetê Pêroyî yê Meclîsî de înan biwanê.