Kadikyê Îstanbulî de ciwananê ke pê muzîkê kurdkî govende girewtêne  raştê hêrişê polîsan ameyî.

Polîsan hêrişê ciwanan kerd û dest na hoparlorê muzîkî ser. Ciwanan vera nê nêrazîbîyayîş mojna. Naye ser o polîsan gazê îsotî şuxulna û guleyî eştî hewayî.  Ciwanî warê serebûtî ra kewtî dûrî, polîsan pêra na înan dima û tewr tay 4 ciwanî destbend kerdî. Polîsan wesayît de ciwanan rê îşkence kerd. Derûdorî ra şarî vera polîsan nêrazîbîyayîş mojna. Derheqê nasnameyê ciwanan de û sera ameyî berdene de zanayîş nêame girewtene.