Paytextê Fransa Paris de Komeleya Kulturê Kurdan a Ahmet Kayayî de Hemsereka Pêroyî ya KCDK-E Zubeyde Zumrut, Hemserekanê CDK-Fyî Xanê Akdogan û Şahîn Polat, Endamê Dîwanê CDK-Fyî Faruk Soylemezî eşkerayîya çapemenîye kerde.

Eşkerayîye de bale ameye antene ser ke Hemsereka Konseya Rayberdişî ya KCKyî Besê Xozat pare kerdo ke dewleta tirke seba ke Rayberê Şarê Kurdî keye û avûkatanê xo bivîno KCK de bazarîye kerde. Temsîlkaran vera nê tewirê bêexlaqî venga pêro kurdîstanijanê Ewropa da ke 20ê temmuze de bi şîarê 'Peynîya îşxalî bîyarê, Kurdîstanî bipawê, Rayber Apoyî azad bikerê' tewrê çalakîyan bibê.

Hemsereka KCDK-E Zubeyde Zumrut pare kerd ke her ke tecrîd beno giranêr şer zî beno giranêr û vat: ''Dewleta tirke bi sîstemê tecrîdî bingeyê qirkerdişê kurdan erzeno. 40 mengî yo Rayber Apoyî ra xeberêke nêna girewtene. Hetê bînî ra bi taybetî vera Başûrî hêrişê îşxalî dewam kenê. Birêze Besê Xozat pare kerd ke Rayber Apo babeta bazarîye yeno kerdene. Eke şima wazenê ke meseleya kurdan çareser bikerê wa Rayber Apo bê şertî bieşko keye û avûkatanê xo bivîno. Tek rojdemê  ma zî azadkerdişê Rayber Apoyî yo. Ma venga pêro şarê xo yê Ewropa danê ke wa bi şîarê 'Peynîya îşxalî bîyarê, Kurdîstanî bipawê, Rayber Apoyî azad bikerê' tewrê çalakîyan bibo.''

Xasê Akdogan vat: ''Ma prosesêkê girîngî ra derbaz benê. Ma bazarîyanê serê Rayber Apoyî qebul nêkenê. Ma venga şarê xo danê ke dormeyê Rayber Apoyî de bêro pêser û xo ver bido.''

Faruk Soylemezî vat: ''Ma do tecrîdî ya bişiknê yan bişiknê. Ma do Kurdîstanî azad bikerê. Ma venga şarê ma yê Fransa danê ke tewrê çalakîyan bibo.''

Şahîn Polatî vat: ''Rayber Apo îradeyê şarê kurdî yo û îradeyêk nêbeno babeta bazarîye.  Ma do vera ney çalakîyanê xo bizêdînê û wayîrê îradeyê xo vejîyê. Birêz Ocalan mefteyê çareserîye yo.''