Çewlîg de xebatê weçînayîşî yê Partîya Çep a Keske dewam kenê. Namzeda Partîya Çep a Keske ya ÇewlîgîCemîle Turhalli Balsak bi kirdkî û tirkî venga pêro weçînitoxan da.

Cemîle Turhalli Balsak vat: ''Pusulaya rayan de Partîya Çep a Keske mabênê MHP û Partîya Yewîya Edaletî de ya. Ganî şima morê xo bidê binê logoyê partîya ma dare ro. Ganî şima morê xo medê cayêkê bînî û dayîre ra teber mekerê. Seba ke morê şima mesawîyo cayê partîyanê bînan ters qat bikerê. Dîqat bikerê ke wa morê şima ziwa bibo. Dima pusula dekerê zereyê zarfî û bierzê zereyê sindoqe.

Zaf girîng o ke ma raya xo bidê wayîrê raya xo vejîyê. Weçînitoxî eşkenê cayê raydayîşî de bimanê, heta akerdişê sindoqan bimanê û çimdarîye bikerê. Keremê xo ra sindoqan terk mekerê. Heta hûmaritişî uca de bimanê. Heta wexto ke rayî erşawîyenê şima eşkenê şorê heta YSKyî zî.

Rayêke zî zaf qîmetîn a. Wa şarê ma raya xo bido û wayîrê sindoqan vejîyo.''