Kênaya ciwane Î.E. ya ke dima ke leşkerê tirkî Musa Orhanî ci rê tecawuz kerd xîret kerd ke xo bikişa. Î.E. rixmê pêro tedawî zî vizêr dinayaya xo bedilnaye. Î.E. binê ablûqaya polîsan de ameye definkerdene.
Qezaya Qubînî ya Êlihî de kênaya ciwane Î.E. (18) 20 rojan maruzê tecawuzê leşkerê tirkî Musa Orhanî mend. 16ê temmuze de Î.E. xîret kerd ke xo bikişa. Î.E. dima nêweşxane de ke tede tedawî bîyêne dinyaya xo bedilnaye. Cenazaya Î.E. otopsî ra dima binê ablûqaya polîsan ê tirkan de Goristanê Asrî yê Êlihî de ameye definkerdene.
Polîsanê tirkan nêverda ke keyeyê ci ra berî kesêk tewrê merasîmê bibo. Polîsan parlamenter, partîyê sîyasîyî, pawitoxê heqanê merdiman, temsîlkarê rêxistinan asteng kerdî. Girseyo ke goristan de kom bi, vera polîsan nêrazîbîyayîşê xo mojna. Dima polîsan hêrişê Wekîlê HDPyî yê Sêrtî Sidik Taşî kerd.
Cenaza hetê keyeyî ra ameye definkerdene.
