16ê temmuze de qezaya Qûbînî ya Êlihî de cinîya ciwane  Î. E. ke raştê tecawuzê çawişê pîsporî yê artêşa tirke Musa Orhanî ameybî, cehd kerdbi ke xo bikeşe. Î. E. ya ke mektubêk nuşt û tede qala serebûtê tecawuzî kerde, nêweşxane de cuya xo vînî kerde.

Leşkerê tirkî yo tecawuzkaro ke badê gerreyê keyeyî ame destbendkerdene rixmê raporê Tibê Edlîyî ke tecawuzî îspat keno serbest ame verdayene.

Keyeyê Î.E. semedê paştdayîşê huqûqî muracatê Komeleya Heqanê Merdiman (ÎHD) yê Şubeyê Êlihî kerd.  ÎHDyî bi nameyê keyeyî muracatê Serdozgerîya Komare ya Sêrtî, Wezîrîya Pawitişî ya Netewe û Komîsyonê Heqanê Merdiman ê Meclîsê Tirkî kerd ke wa tehqîqet bêro destpêkerdene û  derheqê babate de melumat bîgêrê.