Roniştişê dewaya ke bi îdîaya "endamîya rêxistine" derheqê Dayîka Haştîye Hayrîye Turkekul (73) de amebî akerdene, ewro Mehkemeya Cezaya Giran a 10. ya Dîyarbekirî de ame kerdene. Avûkatê Turkekule Mehdî Ozdemîr tewrê roniştişî bi.

Dozgerî eşkerayîyê çapemenîye, çalakî, aktîvîte û grevê vêşanîyê ke Turkekule tewrê ci bîya sey sûcî hesibnayî. Seba ke Turkekule 2019 de semedê paştdayîşê Hemsereka Kongreya Komelê Demokratîkî Leyla Guven kewte grevê vêşanîye û endama Komala Cinîyan a Rosa ya, dozgerî no sey sebebê "endamîya rêxistine"  hesibna.

Heyetê mehkeme mutalaya dozgerîye esas girewt û cezaya 6 serran û 3 mengan daye Hayrîye Turkekul.