Hemşaredara verêne a Colemêrgî Dîleke Hatipogluya ke 12ê sibate de hela ke Sîncanî ra sewqê Colemêrgî bîye raştê cigêrayîşê rûtî û şîdetî ameye  û wextêk tira xebere nêameyêne girewtene cezaya hespî ya 2 serran û 2 mengan û 20 rojan dîyaye ci

Roniştişê 6. yê dewaya ke derheqê Hatîpoglu, hemşaredarê o wextî Nurullah Çiftçî û 20 endamanê meclîsê şaredarîye de ameye akerdene, Mehkemeya Cezaya Girane ya 3. ya Colemêrgî de ame kerdene. Hemşaredarê tepişteyî Hatîoglu û Çîftçî û tay endamê meclîsê ke bêtepiştişî yenê hukmkerdnee tewrê mehmeke bîyî. Mehkeme bi îdîaya ''zîmet''î cezaya hespî ya 2 serran  û 2 mengan û 20 rojan daye Hatîpoglu. Derheqê Çîftçîyî zî de bi îdîaya ''xirabşuxulnayîşê wezîfeyî'' cezaya pereyî yê 5 hezar 500 TLyî ameye dayene. Endamanê meclîsî rê zî îdîaya ''xirabşuxulnayîşê wezîfeyî'' cezaya pereyî ameye dayene.,