Dimayê qerarê tehlîyekerdişê hemserekê HDPyî yo verên Selehattîn Demîrtaşî yê MHME ra dadgerîya Tirkî bi hawayêkê lez û bezî cezayê Demîrtaşî û parlamentero verên Sirri Sureyya Onderî tesdîq kerdî.
Mehkemeya Cezaya Girane ya Stenbolî ya 2. Demîrtaşî rê bi sûcdarîya “kerdişê propagandaya organîzasyonê terorî yê bisîlehî” 4 serrî û 8 mengî, parlamenterê HDPyî yê Enqereyî yo verên Sirri Sureyya Onderî rê zî 3 serrî û 6 mengî cezaya zîndanî dabî. Demîrtaş û Onderî nê cezayan rê îtîraz kerdîbî.
Daîreyê Ceza yo Dîyin yê Mehkemeya Edlîye ya Herêmî ya Stenbolî cezayê ke derheqê Demîrtaş û Onderî de dîyabî tesdîq kerdî. Bi nê hawayî cezayî bîyî qetî. Bale ancena ke qerar dimayo ke Mehkemeya Heqanê Merdiman ya Ewropa derheqê Demîrtaşî de qerarê tehlîyekerdişî dabi ame dayene.
