Rojnamegeranê ke paştî daye Rojnameyê Ozgur Gundemî yo ke çarçewa Qarernameyê Hukmê Qanûnî de ame qefilnayene, cezayê înan ê ke hetê Mehkemeya Cezaya Girane ya 14. ya Îstanbulî ra ameyebî dayene hetê Daîreyê Ceza yo 3. yê Mehkemaya Edlîye ya Herême ya Îstanbûlî ra ameye tesdîqkerdene.

Mehkemeya Îstinafî ya Îstanbulî cezayê ke Dilşah Kocakaya, Ertugrul Mavioglu, Huseyîn Akyol, Mehmet Celal Başlangiç, Mehmet Fehîm Işik, Mehmet Şîrîn Taşdemîr, Omer Agin, Oncu Akgul, Veysel Kemer, Yuksel Oguz û Celalettîn Canî rê ameybî dayene, tesdîq kerdî.

Omer Agin, Veysel Kemer, Mehmet Şîrîn Taşdemîr, Yuksel Oguz û Celalettîn Can ke bi "propagandaya rêxistine, tehrîkikerdiş seba  sûc, paştdayîşê sûc û sûcdarî" ameyêne sûcdarkerdene, derheqê înan de qerarê beraatî ke amebi dayene û zî ame tesdîqkerdene.

Mehkemeya Îstinafî seba serrêke û 3 aşman cezayê zîndanî yê Ertugrul Mavîoglu, Fehîm Işik, Celal Başlangiç, Îhsan Çaralan, Oncu Akgul û Celalettîn Can û cezaya 3 serran û 9 aşman a ke Huseyîn Akyolî rê ameyebî birnayene tesdîq kerdî.