CHPyî netîceya weçînayîşanê Dêrsimî rê îtîraz kerd
Namzedê Şaredarîya Dêrsimî yê CHPyî Alî Mustafa Çelîkî eşkerayîya xo ya serê netîceyanê weçînayîşan de vat: ''Ez bira şarê ma rê hûrmet kena'' la netîceyan rê îtîraz kerd.
CHP DÊRSIM DE ÎTÎRAZ KERD
Weçînayîşanê 31ê adare de Dêrsim de namzedê DEM Partî Cevdet Konak û Bîrsene Orhan bi 6 hezar û 761 rayan ser kewtbî. Namzedê CHPyî Alî Mustafa Çelîkî zî 5 hezar û 604 rayî girewtbî.
Namzedê CHPyî Çelîkî eşkerabîyayîşê weçînayîşan ra dima vatbi ke o bira şarî rê hûrmet keno.'' La ewro Çelîkî Heyetê Weçînayîşî yê Qeza de derheqê netîceyanê weçînayîşan de îtîraz kerd. Îtîraz 5ê nîsane de do bêro ercnayene.
Eke CHP prosesê îtîrazî rê cewabêkê pozîtîfî nêgêro heqê ci est o ke muracatê Heyetê Weçînayîşî yê Berzî (YSK) bikero. Ganî YSK zî heta 15ê nîsane cewabê muracatî bido.
Îtîrazê Çelîkî mîyanê şarî de bi sebebê nêrazîbîyayîşan.
