Hatîce Yildiza 75 serrî ya ke seba ke kênaya xo ya tepiştîye û embaza ci rê pere şawit ameye tepiştene û seba ke nêweşa giran a keyeyê ci ra bi sedye ameye vetene, ewro zîndan de rewşa ci xidare bîye.

Avûkat Xebat Demircano ke şi zîyaretê Yildize vat: ''Roja îneyî ra a têna yew hure de manena. Rewşa muwekîla mi hole nêbî. Têna nêeşkena rayra şiro.Memûranê zîndanî aye arde û berde. Wextê pêvînayîşî de rewşa aye bîye xidare, xora şîye. Ekîbanê weşîye mudaxale kerd. Muwekîla mi di rojî yo rîyê problemanê weşîye ra mirda werd nêwerdo. Waştişê pêvînayîşî yê lajê ci zî ame redkerdene.''