Iraq 10ê nîsane ra nata vera Kampa Multecîyan a Şehîd Rûstem Cûdîyî ya Mexmûrî ambargo keno. Ambargo her ke şino giranêr beno. Dewleta Iraqî nêverdena ke malzemeyê înşeatî, îhtîyacê bingeyînî debikewê kampe, karkerî kampe ra şorê gureyê xo. 

3 endamê Meclîsê Şarî yê Mexmûrî yê ke seba çareserîya meseleyan şibî Bexdadî agêrayîş de ameyî destbendkerdene.

Hemsereka Meclîsê Şarî yê Mexmûrî Fîlîze Budak derheqê babete de Rojnewsî rê qisey kerd. Fîlîze da zanayene ke Hemserekê Meclîsê Şarî Ahmed Şehbaz, Hemşaredarê Kampe Edban Yilmaz û Vervatoxê Komîteya Karanê Teberî Bawer Emîn ameyê destbendkerdene.

Roniştoxanê kampe are kerd ke nê destbendkerdişî sîyasî yê û balkêş o ke wextê xîretanê çareserîye de ameyê kerdene.

Hêverî PDKyî 17ê temmuza 2019î de bi waştişê Tirkîya Kampa Mexmûrî girewte binê ablûqa. 18ê temmuze de teyarayanê Tirkîya kampa dabî bombayan ver û di kesî birîndar bibî.

27ê çeleyê 2021î de hêzanê Iraqî waşt ke dormeyê kampe bi têlan bigêrê la şarî vera ney xover da.

20ê gulana 2023yî de Iraqî ancî xîret kerd ke dormeyê kampe bi kule û têlan bigêro la şarî nêverda.

10ê nîsana 2025î de ablûqa dest pêkerd. 30ê nîsane de şarî seba çareserîya bi dîyalogan çalakîya roniştişî û rayraşîyayîşî kerde.