Torra Têkoşînê Vera Şîdetî ya Amedî venga pêro cinîyan, rêxistinanê cinîyan, ciwanan, raya demokratîke û pêro muxalîfan da ke 28ê gulane de rejîmê tekcamêrdî bin bivisnê û têkoşînî geş bikerê.
Torra Têkoşînê Vera Şîdetî ya Amedî derheqê turê diyînî yê weçînayîşê serekkomarîye yê 28ê gulane de eşşkerayîyêka nuştekîye daye.
Eşkerayîye de ame parekerdene ke seserra diyîne ya komare bi hişmendîyêka tekpereste, redkerde û seksîste yena awankerdene. Eşkerayîye de wina ame vatene: ''Îqtîdarê AKP-MHPyî yo ke dişmenê cinî û kurdan o weçînayîşanê 14ê gulane de amebi vindarnayene. Ma do bi heman qerardarî û bawerî 28ê gulane de rejîmê tekcamêrdî û kanwazî bin bivisnê.
Îtîfaqê AKP-MHP-HUDA PAR-Yeniden Refahî armanc keno ke her ca de şîdetê vera cinîyan bizêdîno. Geşkerdişê têkoşînî rayîrê komelê têdûştî, cuyêka edîle û riknayîşê rejîmê tekcamêrdî yo. Bi na wesîle ma venga pêro cinîyan, rêxistinanê cinîyan, ciwanan, raya demokratîke û pêro muxalîfan da ke 28ê gulane de rejîmê tekcamêrdî bin bivisnê û têkoşînî geş bikerê.''
