Akademîsyen, hunermend, huqûqnas zî tede bi seyan cinîyan morê xo da binê vengdayîşê vîjnayîşî yê Têgêrayîşê Çepa Femîsnîte ro.

Vilaweka ke bi sernameyê "Ma tîya de yê, ma do teslîmê tarîtîye mebê" ame hazirkerdene, tede ame vengdayene ke wa heme cinîyî semedê rijnayîşê rejîmê yewmerdimî rayanê xo bişuxulnê.

 Cinîyan wina vat: “Verê ma de di rayîrî est ê. Ma ya tarîtîye ya zî roşnîye vîjnenê. Ya ma tarîtîye pîya dirnenê û roşnayî anê ya zî ma bênefes manenê. Ma zanê, eke ciniyî bixelisîyê, welat xelisyeno, ameyoxê ma xelisyeno, heme komel xelisîyeno. Bêrê înanê ke keyfê ma diznayo, ma înan ra hesab bipersê, ma pêro pîya tarîtîye bişawê."