Cipêrsayîşo ke serra 2012î de avûkatanê Rayberê Şarê Kurdî Abdullah Ocalanî ser o amebi akerdene reyna kewt rojdem. Vateyê '300 rojî yo pêvînayîşê Ocalanî rê destûr nêdîyeno' yê avûkatan sey sûcî hesibîya.
Cipêrsayîşo ke 2012 de avûkatanê Rayberê Şarê Kurdî Abdullah Ocalanî Rêzan Sarica, Alî Maden, Baran Dogan, Cengz Yureklî, Înan Akmeşe, Mahmut Taşçi û Mehmet Selîm Okçuogluyî ser o dîyabi destpêkerdene reyna kewt rojdem.
Dima ke dewa ameye rojdem avûkatî şîyî îfade da. Îfadeyan ra dima îdîanameyo ke dozgerîye amade kerdbi hetê Mehkemeya Cezaya Girane ya Îstanbulî ra ame tesdîqkerdene. Çarçewa cipêrsayîşî de avûkatî menga êlule de bi îdîaya 'endamîya rêxistine' do vejîyê mehkeme ver.
Îdîaname de pêvînayîşê avûkatan ê bi Ocalanî, heqê bêvengîye yê avûkat Yureklîyî, pêvînayîşê telefonî sey sûcî yenê dîyene.
Îdîaname de babeta tewr ecîbe zî tecrîdê vera Ocalanî yo. Îdîaname de veteyê ''300 rojî yo destûr nêdîyeno ke pêvînayîşê avûkatan bêro kerdene' sey sûcî ame hesibnayene.
