Ciwananê Başûrî London de PDK protesto kerd
Ciwananê Başûrê Kurdîstanî hemkarîya PDKyî ya bi dewleta tirke London de bi çalakîyêke protesto kerde.
Ciwananê Başûrê Kurdîstanî hemkarîya PDKyî ya bi dewleta tirke paytextê Îngilîstanî London de bi çalakîyêke verê bînaya Temsîlkarîya Hukmatê Herêma Kurdîstanî protesto kerde. Çalakîye de sloganê bi sorankî û îngilîzkî ameyî vatene.
Ciwananê Başûrî vera îxanet û hemkarîya PDKyî sloganê sey 'Ma nêverdê alaya ma biherimîya' berz kerdî. Ciwanan ard ziwan ke şarê Başûrî do nêverdo alaya înan seba îxanet û kayanê gemarinan bêra şuxilnayene.
