Heyetê Rayberdişî yê Melîsê Ciwananê HDPyî vat, "Ma veng danê heme ciwanan ke wa tewrê prosesê bedilnayîşî yê demokratîkî yo ke ma dayo destpêkerdene, bibê. Ma do sîyasetê ameyoxî înşa bikerê."
Heyetê Rayberdişî yê Melîsê Ciwananê HDPyî eşkerayîya nuştekîye daye û nê pare kerdî:
"Partîya ma HDP ya ke partîya cinîyan û ciwanan a, weçînitiş de serkewtişo gird dest nêfîne. Ma zanê ke nê de kêmastîya ma est a. Ma pawitişê şarê xo yê welatperwerî û rayapêroyîya demokratîke rê cewab nêbî. Coka partîya ma seba ke xo newe ra bîyaro pêser, prosesê kongre da destpêkerdene. Prosesê kongre de do hem muhasabeyê demê ravîyarteyî bêro kerdene û hem zî semedê hazirîya demê neweyî xebata hîra bêrêo kerdene. Ma do her hetê welatî ra sere de ciwanî, her hetê komelî ra bêrê têhet. Ma do bi rexne û xorexnekerdişî kêmayîynê xo ser vinderê û sîyasetê ameyoxî înşa bikerê. Ma do sey ciwananê HDPyî demê neweyî de bi berpirsîyarîya tarîxîyî do rolê xo kay bikerê û waştişê şarê xo rê bibê cewab. Ma sey Meclîsê Ciwanan veng danê heme ciwanan ke wa nê prosesî de cayê xo bîgêrê û bedilnayîşê demokratîkî bîyarê."
