Gerîlayê HPGyî Egîd Îpek serra 2017î de Dêrsim de pêkewtişêk de şehîd bibi. Cenazaya ci 3 serran ra dima pê posta mîyanê kolîyêkî de keyeyê ci rê erşawîyaye. Meclîsanê Ciwanan ê HDPyî derheqê babete de eşkerayîyêke weşanaye.

Eşkerayîye de ame vatene ke no kerdişêkê vera merdimîye yo û îqtîdar xirabîye de resa asta tewr berze ya dişmenîye.

Eşkerayîye wina dewam kena: ''AKP û MHPyî pê nê kerdişê xo polîtîkayê xo yê dişmenîya kurdan zêdînayî. Vera merdimîye sûcêk kerd. Serewekîlê AKPyî seba nê serebûtî vat 'Goreyê usûlî yo, serebûtêko edlî yo.' No mojneno ke dişmenîya xo ya vera kurdan de qet eleqeyê înan ê pê erjanê komelkîyan nêmend û asta înan a faşîzmî zî asena.''

Meclîsanê Ciwanan îfade kerd ke ê do esasê tewirê rûmetênî yê dadîyanê perweran ser o têkoşînê seba ameyoxê azadî bikerê û xeta xoverdayîşê demokratîkî xurt bikerê.''

Eşkerayîye de no kerdişê vera merdimîya ame şermezarkerdene.