Ciwanê kurdî yê Rûsya: Azadîya Rayberî ra berî ma çîyê bînî qebul nêkenê

Ciwananê kurdan ê Rûsya bi eşkerayîyêke vera tecrîdê Rayberê Şarê Kurdî Abdullah Ocalanî tewirê xo mojna û îfade kerd ke ê do bi xurtî tewrê hemleya KCKyî bîyî.

Ciwanan dewa Krasnadarskî ya qezaya Novoaleksandrovskî ya şaristanê Stravropolî ya Rûsya de eşkerayîyêke daye çapemenîye.

Nameyê Têgêrayîşê Ciwanan ser o Çerkez Axmedovî eşkerayîye daye û îfade kerd ke ê tewrê hemleya 'Tecrîd, Faşîzm, Îşxalî rê bes o, Wext Wextê Azadîye yo' benê.

Eşkerayîye de ame parekerdene ke dewleta tirke ya îşxalkere seba çinkerdişê şarê kurdî her metod ceribnena û ame vatene ke armancê înan o verên şiknayîşê tecrîdê vera Rayberê Şarê Kurdî Abdullah Ocalanî yo.

Eşkerayîye de ame vîrvistene ke dewleta tirke bi îtîfaqê PDKyî wazena Başûrê Kurdîstanî îşxal bikera û wina ame vatene: ''Hêrişê dewleta tirke yê vera Heftanînî bi xoverdayîşê gerîlayanê Kurdîstanî do bêrê çinkerdene.''

Ciwanan ard ziwan ke ê azadîya Rayberê xo ra berî çîyêkê bînî qebul nêkenê û nê esasî ser o tewrê hemleya KCKyî benê.

Eşkerayîye bi qerayîşê sloganan qedîyaye.