Çalakîya roniştişî ya hewteyê diyînî ya ke 12ê teşrîna verêne de verê Konseya Ewropa de seba azadîya Rayberê Şarê Kurdî dîyabî destpêkerdene, qedîyaye. Hewteyê 3. de ciwanê kurd û enternasyonalîstî çalakîye do dewr bigêrê.
Çalakîya roniştişî ya hewteyê diyînî ya ke 12ê teşrîna verêne de verê Konseya Ewropa (KE) de seba azadîya Rayberê Şarê Kurdî dîyabî destpêkerdene, qedîyaye. Hewteyê 3. de ciwanê kurd û enternasyonalîstî çalakîye do dewr bigêrê.
Ciwanî do bale biancê tecrîdê vera Rayberê Şarê Kurdî Abdullah Ocalanî ser û seba xurtkerdişê têkoşînî venga kurd û dostanê kurdan bikerê.
Çalakî û aktîvîteyê ciwanan do wina bibê:
-27ê teşrîna verêne de ciwanî do şaristan de çalakîyanê sey tîyatro, konseran bikerê û derheqê tecrîdî de vilawekan vila bikerê.
-Ciwanî do dosyayan pêşkêşê temsîlkaranê hemdeman ê welatanê KE bikerê.
-28ê teşrîna verêne de bi tewrbîyayîşê şarî saete 12:00 de nawnayîşêk do bêro kerdene. Heman roje saete 13:00 de zî Koordînasyonê 'Ocalanî rê Azadîye' ra 3 kesî do bi skype tewrê nawnayîşî bibê.
-29ê teşrîna verêne de çalakîyê kultur û hunerî do bêrê kerdene.
-30ê teşrîna verêne de Meydanê Kleberî de saete 13:00 de rayraşîyayîşêk do bêro kerdene.
