Rayraşîyayîşo Dergo ke  bajarê Sierentzî yê Fransa de semedê azadîya Rayberê Şarê Kurdî Abdullah Ocalanî dîya destpêkerdene roja şeşine de Strasbourg de qedîya. Ewro de pîya bi grûba Almanya rayraşîyayîş û mîtîng bêrê kerdene.

Ciwanan nizdê Merkezê Komelê Demokratîkî yê Strasbourgî de bi teqnayîşê fîşeganê hewayî çalakîya xo qedîna û eşkerayîyêke daye. Çîyager Serhatî ke bi nameyê çalakwanan qisey kerd vat: Azadîya Rayber Apoyî azadîya Kurdîstanî ya, azadîya heme şaran a. Ma şeş roje bi hewayêkê qerardarî reyra şîyî û hetaza azadîya fîzîkîye ya Rayberîya ma do wina qerardar têkoşîn bikerê. Saetanê şanî de şayîyêke ameye kerdene. ciwanan bi deyîranê Hozan Comerdî  mirda govende girewte.