Ciwanî Sierentzî ra heta Mulhouse şîyî
Rayraşîyayîşê Dergî yê ciwanan o ke şaristanê Sierentzî yê Fransa de bi waştişê azadîya fîzîkî ya Rayberê Şarê Kurdî dîya destpêkerdene roja xo ya verêne qedînaye.
Rayraşîyayîşo Derg ê ciwanan emser bi şîarê ''Bi îradeyê ciwananê Apogîran ma do Rayberîye azad bikerê'' şaristan Sierentzî ra heta şaristanê Strasbourgî yê Fransa yeno kerdene. Rayraşîyayîşo ke do 11ê sibate de biqedo roja xo ya yewine qedînaye.
Xeylêk ciwanê enternasyonalîstî zî tewrê rayraşîyayîşî bîyî. Ciwanî 20 kmyan şîyî û şaristanê Mulhouse Fransa de çalakîya xo qedînaye. Ciwanî do roja diyîne de verê Merkezê Komelê Demokratîkî yê Kurdan de rayraşîyayîşî rê dewam bikerê.
Ciwanan ra Tîjda Zagros û Recep Amedî derheqê Rayraşîyayîşê Dergî de wina vat:
Aktîvîsta TÊKO-JIN Tîjda zagros: ''Ma tecrîdê vera Rayber Apoyî şermezar kenê. 2022 do biba serra azadîya Rayberîye. Nê esasî ser o ez venga pêro cinîyan ê ciwanan dana ke tewrê çalakîya Rayraşîyayîşê Dergî bibê.''
Recep Amedî vat: ''Ma tecrîdî şermezar kenê. Azadîya Rayberîye ancax pê destê ciwananê kurdan mumkîn a. Ma venga pêro ciwanan danê ke tewrê Rayraşîyayîşê Dergî bibê.''
