Taxa Cûdî û Nûre ya qezaya Cizîre ya Şirnexî de vizêr tîmanê taybetan ê polîsan eştbi xeylêk keyeyan ser. Polîsan serê sibayî zî eşt keyeyan ser. Netîceya sereştişan de hemwelatîyê bi nameyê Abîdîn Kuçuk, Îbrahîm Şahna, Remzî Dadak, Nasir Şahna, Bezrihan Dadak, Salîh Bekiroglû, Sinan Dalmiş, Mehmet Çagdavûl, Metîn Ecevît, Ridvan Şahnaz, Serkan Çagli, Rûken Acet, Melîke Dûran, Muhlîs Dalmiş û Hasan Dadak ameyî destbendkerdene.

Destbendkerdeyî nezaretê Mudirîya Polîsan a Cizîre de tepişîyenê. Sebebê destbendkerdişan nêzanîyeno. Wina pawîyeno ke qeza de hûmara destbendkerdeyan do bizêdîya.