Polîsan tirkan şewe eşt Şaredarîya Colemêrgî ya DEM Partî ser û serê sibayî Wan de Hemşaredar Mehmet Siddik Akiş destbend kerd.

Endamanê DEM Partî verê bînaya şaredarîye de vera sereştişî û destbendkerdişê Hemşaredar Siddik Akişî nêrazîbîyayîşê xo mojna.

Ê helan de polîsan vat ke bi fermanê Wezîrîya Karanê Zereyî Akiş erkî ra ameyo dûrvistene.

Hetkarê Hemşaredaran Şaban Alkanî waşt ke wa bire nînan rê bêra mojnayene la bire nêameye mojnayene.

Alkanî vat: ''Weçînitoxî û personelî nêeşkenê bikewê zereyê şaredarîye. Ma rê ame vatene ke hemşaredarê ma erkî ra ameyo girewtene. Tîya de talan est o. Ma na bire nêşinasnenê.''

Şarê Colemêrgî zî verê bînaya şaredarîye de kom bi.