Mersîn, Agirî, Sêrt û Êlihî ra dima Colemêrg de zî bi desan kesî bi bahaneya deyîranê kurdkî û govendgirewtişî ra ameyî destbendkerdene. 

Şaristanê Colemêrgî de polîsan eşt hîrê veyveyan ser û muzîsyenê kurdî, şîrketê produksîyonî yê veyveyan û tay wayîrê veyveyan destbend kerdî.

Operasyonî bi îdîaya 'propagandaya rêxistine' ameyî kerdene. Hûmara destbendkerdeyan nêzanîyena.