Amed û Colemêrg de sereştişanê polîsan de xeylî îdarekarê HDP û DBPyî ameyî destbendkerdene.

Merkezê Amedî û qezayanê ci de ewro saetanê sibayî de polîsan eşt keyeyanê îdarekaranê HDPyî ser. Sereştişan de hemserekê HDPyî yê qezaya Baxlarî Necmettîn Burakmak, yê Yenîşehîrî Vahab Gunay û yê Kayapinarî Haluk Eyupoglu, hemserekê DBPyî yê Baxlarî Alî Alkan, îdarekaranê partîye ra Ramazan Ungur û îdarekaranê HDPyî ra Osman Don û Saît Demîr ameyî destbendkerdene.

Yeno pawitene ke do bajar de destbendkerdişî bizêdîye.

COLEMÊRG DE 7 TENÎ AMEYÎ DESTBENDKERDENE

Colemêrg de zî saetanê sibayî de 8 tenî yê ke hewteyo ravêrte de seba paştîdayîşê Leyla Guvene kewtîbî girevê vêşanîye, ameyî destbendkerdene.

Ê ke ameyî destbendkerdene, nê yî: Hemsereka HDPyî ya bajarî Zeynep Kaya, hemsereka DBPyî ya bajarî Nurîye Aktaşe, hemserekê DBPyî yê qezaya Geverî  Nevzat Kaya û endamê partîye Şehrîban Acare, Keskîn Erol, Necîp Coşkun û Nurettîn Atsiz.