Vera xespkerdişê îradeyê şarê Colemêrgî û tayînkerdişê qeyûmî xoverdayîş dewam keno. Wekîlanê DEM Partî, Hemserekanê DBPyî Çîgdeme Kiliçgun Uçar û Keskîn Bayindirî vera xespkerdişê îradeyî  heta serê sibayî nobete girewte. 

 Wekîlan Kuçeyê Bulvarî yê nêzdîyê walîtîye de çalakîya roniştişî daye destpêkerdene. Bi seyan polîsî sewqê warê çalakîye bîyî. Wekîlan rixmê ablûqaya polîsan zî heta serê sibayî çalakîya xo kerde.

Hetê bînî ewro bi beşdarîya Hemserekanê DEM Partî, Hemserekanê DBPyî, Mutefîqanê Kede û Azadîye, Heyetê CHPyî û rêxistinanê komelê sivîlî ewro çalakîyê girseyî do bêrê kerdene. Saete 13.00 de rayraşîyayîş do bêro kerdene, dima zî verê şaredarîye de eşkerayîye do bêra dayene.