Şaredarîya Colemêrgî de qeyûm ame cakerdene. Vera nê bi tewrbîyayîşê Hemserekê Pêroyî yê DBPyî Çîgdeme Kiliçgun Uçar û Keskin Bayindir, wekîlanê DEMî yê herême merkezê bajarî de rayraşîyayîş ame kerdene.

Rixmê ablûqaya polîsan şar kuçeyanê Bulvar, Cumhurîyet û Îstîklalî ra bi slogananê ''Ma do bi xoverdayîşî ser bikewê'' û ''Ma serekê dizdî nêwazenî''  rayra şi.

Hetkarê Hemserekanê Pêroyîyan ê Berpirsîyarê Îdareyanê Herêmîyan ê DEM Partî Mehmet Ruştu Tiryakiyî vat:  ''Ma vera xespkerdişê îradeyê şarê Colemêrgî tîya de yê. Ma do wayîrê îradeyê şarê xo bivejîyê.  Ma do xespkerdişê îradeyê ma û rejîmê qeyûmî çirey qebul merkerê. Ma veng danê heme şarê xo ke wa siba wayîrê îradeyê xo bivejîyo.''

Dima ra Kuçeyê Bulvarî de pîya bi hemserekan û wekîlan çalakîya roniştişî ameye destpêkerdene.