Sadik Almakça 1971 de qezaya Bazarcixî ya Mereşî de dadîya o ra bîyo. O 30 serran zîndananê Meletî, Dîlok, Bursa, Elbistan, Kirikkale, Balikesîr û Kayserî de mend. Almakçayî derheqê têkoşînê xo yê zîndanî de ANFyî rê qisey kerd.

Almakçayî vat: ''Ma sey hîrê embazan 1992 de tepişîyayî û erşawîyayî zîndanê Meletî. Ez qasê 30 serran zîndan de menda. No çi bi îrade, perwerî û hişmendîyêka xurte beno. Ma kerd ke pê cuya komunale 30 serranê xo biqedînê. No ruhê cuye, ruhê xoverdayîşî gandar verdeno. Eke no nêbo merdim eşkeno aciz û qels bibo.

Mi çîyêko xirab nêkerd. Dewayêke est bîye; azadîya şarî û welatî lazim bîyê. Coka ma dest pê têkoşînî kerd. Peynîya peynî de oxirê na dewa de bi hezaran merdiman dinyaya xo bedilnaye. Yanî tepişîyayîşê mi çîyêk îfade nêkeno. Ma xo sey deyndarê şarê xo vînenê. Heta ke weş bibê ma do nê deynî bidê. 30 serrî ney emrê mi zî şoro eynê mi de nîyo. Ma prosesêkê tarîxîyî de yê. Nêbo ke kurdî bin bikewê. Eke kurdî bin bikewê çareserîya meseleya kurdan nêna caardene û seba kurdan rewşêka xirabe do biqewimîya. Coka ganî pêro kurdî bi hawayêkê aktîfî tewrê prosesî bibê.''