DAÎŞî hêrişê dewa Xetabî ya Mexmûrî kerd: 4 kesî kiştî
Cerganê DAÎŞî hêrişê dewa Xetabî ya qezaya Mexmûrî ya Mûsilî kerd û netîceya hêrişî de 4 hêzê asayîşî merdî, 8 sivîlî zî birîndar bîyî.
Goreyê agahîyanê ke çimeyanê herêmîyan ra ameyî girewtene cerganê DAÎŞî hêrişê dewa Xetabî ya qezaya Mexmûrî ya Mûsilî kerd. Hêriş de hêzanê asayîşî ra Serpêl Xalid El Fethî El Serhîd, Mihemed Fethî El Serhîd, Ebdulstîr Casim Mihemed Husên û Şakir Mehmûd Xetab kişîyayî û 8 sivîlî zî birîndar bîyî.
Derheqê rewşa birîndaran de agahîyêka zelale nêameye destvistene.
