Dadîya Tenzîle: Kênaya mi verê mergî de ya, aye vera bidê!
Tepişteya nêweşe Tenzîle Acara ke Zîndanê Bakirkoyî de pê janê weremî kewte. Dadîya aye Resmîye acar pare kerd ke kênaya aye verê mergî de ya û waşt ke cade bêra veradayene.
Tenzîle Acara 23 serre Îstanbul de 2017 de tepişîyaye û erşawîyaye Zîndanê Bakirkoyî. Acare lîsteya tepişteyan ê nêweşan ê İHDyî de ya û tede werem esto.
Dima ke qirikê ci ra gonîye ameye Tenzîle wedarîyaye nêweşxane.
Dadîya Tenzîle pare kerd ke nêweşxane ra dima kênaya ci hucreyê yewkesî de ameye cakerdene û vat: ''Kênaya mi verê mergî de ya. Ez venga selahîeytdaran dana ke kênaya mi vera bidê. Kesê ke wayîrê wijdanî yê ganî seba kênaya mi çîyêk bikerê. Ganî selahîyetdarî feryadê kênaya mi bierşnawê.''
