Vervatoxa Meclîsê Ciwanan ê HDPyî Dêrsime Dag bînaya merkezî ya DBPyî de, Amed de eşkerayîyêke daye çapemenîye û rojdem ercna.

Qiseykerdişê Dage ra beşêk wina yo:

''Wextê peyênî de 12 endamê ma yê Meclîsê Ciwanan û endamê ma yê PMyî Dîvan Orman zî tede xeylêk ciwanî ameyî destbendkerdene. Nê kerdişî bêtehamulîya AKP-MHPyî eşkera kenê. Ma do sey Meclîsê Ciwanan ê HDPyî her roje xo hîna zaf rêxistin bikerê, ma do qetî sîyasetê demokratîkî ra fek vera medê. Ganî pêro embazê ma bêrê veradayene.

Ciwanî bawerîya xo bi îqtîdarî nêanê û do destûr nêdê ke îqtîdarê AKP-MHPyî wina dewam bikero. Ma vera nê tabloyî bêçare nîyê. Ma do bi rêxistinîya xo çareserîye bivînê. Ma bi şîarê 'çareserî ma yê, şer û klonyalîzmî rê nê' 6ê tebaxe de Amed de û 7ê tebaxe de Îstanbul de mîtîngan bikerê. Ma venga pêro ciwanan danê ke tewrê mîtîngan bibê. Ciwan û cinîyê ke warê sîyasetê demokratîkî ra yenê dûrvistene do peynîya îqtîdarê AKP-MHPyî bîyarê û îqtîdarê înan bîyarê. Ma venga ciwanan danê ke bêrê ma pîya têkoşînê xo warê sîyasetê demokratîkî de  berz bikerê.''