Keyeyê girewteyanê ke vera tecrîdkerdişê Rayberê Şarê Kurdî Abdullah Ocalanî grevê vêşanîye de yê, 9'ê Nîsane ra nata vernîya Hepisxaneyê Gebze de çalakîya nobete kenê. Keyeyî her roje benê hedefê şîdetê polîsan.

Keyeyî roja Dişemeyî vernîya banê HDP’yî yê qezaya Gebzeyî de ameyî têhet û waşt ke şorê vernîya hepisxaneyî. Labelê polîsan rayîrê ci birna, ê tehdît kerdî û va, “Ferman esto, ma do nêverdê şima rayra şorê, ûronşîyê”.

Dayîka Nevroz Bozkurt a ke grevê vêşanîye de ya Sultan Bozkurte vat, “Seba Homayî, ma cehd kenê ke domanê ma biciwîyê, şima çira wina kenê?” Polîsê Tirkî zî ci ra vat, “Qalê Homayî nêke, eke ti do bivaje Homa, cayê to bewlî yo.” Bozkurte zî cewab da û vat, “Huqûq do şima rê zî lazim bibo. Wextêk xeylî dozger û polîsî sey şima bî. Heme nika hepisxaneyan de yê.”

Rîyê astengîya polîsan ra keyeyî mecbur mendî agêrayî banê HDP’yî yê qezaya Gebze. Keyeyan da zanayene ke ê çalakîya  xo rê siba do dewam bikerê.