Denîze Poyraza ke 17ê hezîrana 2021î de hêrişê vera banê HDPyî yê Îzmîrî de hetê Onur Gencerî ra ameye qetilerdene, serrgêra 2. ya qetilkerdişê ci de serê mezelê xo yê Mezelanê Kaynaklarî yê Buca de ameye vîrardene.

Keyeyê Denîze Poyraz, Hemvervatoxê Partîya Çep a Keske Çîgdeme Kiliçgun Uçar, Îbrahîm Akin, wekîla Îzmîrî  Burcu Gul Çubuk, îdarekarê SYK,EMEP, rêxistinê HDPyî yê Îzmîr û qezayan, avûkatê Poyraze û Dayîkê Haştîye tewrê vîrardişî bîyî. Programê vîrardişî bi rêzgiewtişî dest pêkerd.

Dayîke Fehîme Poyraz vat, " Kênaya mi ameye qetilkerdene. Kam ke paştî daye kiştoxî wa ê zî bêrê cezakerdene. Wa dewlete mevajê ‘yew însane merde, do bêro vîrakerdene’ Şehîdî çirey nînê vîrakerdene, ê do tim mîyanê ma de biciwîyê. Her kes Denîz o. Ez her keso ke tîya de yo, sey Denîze vînena. Denîze Denîza pêrun a. Jin, jiyan, azadî" 

Wekîla Partîya Çep a Keske ya  Îzmîrî Burcu Gul Çubuk zî soz da ke ê do Denîze her ca de bidê ciwîyayene û vat, " Êyê ke şexsê Denîze Poyraz de binê slogana 'jin, jiyan, azadî' de têkoşîn kenê, ez înan silam kena. Têkoşînê Denîze nêvindert, dewam keno. Vera sîstemê dewleta camêrdî ma pêro pîya têkoşîn kenê. Ma tîya de yê, têkoşînî canêverdenê, sozê ke dayo Denîze anê ca.” 

Badê qiseykerdişan  serê mezelê Denîze Poyraz de vilikî ameyî ronayene. Programê vîrardişî do saete 16 de banê HDPyî yê Îzmîrî de bi ramotişê sînevîzyonî û kursuyê serbestî dewam bikero.