DBPyî Amed de bi şîarê ''Azadîye bi xorêxistinkerdişî dest pêkena'' komxebatêke kena. Komxebate de pankartê ''Bi hêzê xo yê rêxistinkerdeyî ma do tecrîdî bişiknê û cuya azade awan bikerê'' ameyî akerdene.

Hemserekê DBPyî Çîgdeme Kiliçgun Uçar û Keskîn Bayindir, Hemvervatoxê HDKyî Cengîz Çîçek, Wekîlê DEM Partî û xeylêk temsîlkarê partîyan tewrê komxebate bîyî.

Hemsereka Pêroyî ya DBPyî Çîgdeme Kiliçgun Uçar komxebate de ard ziwan ke îtîfaqê PDK-DAÎŞ-OSOyî mojneno ke îtîfaqê demokrasîyî xo bi qîmî rêxistin nêkeno. Çîgdeme vat: Her ca de kurdî ciwîyenê, her ca de hêzê demokrasîyî est ê, ma mecbur ê ke xo rêxistin bikerê. Na seserre de ma do Rayîrê Hîrêyînî de komara demokratîke awan bikerê.''

Keskîn Bayindirî vat: ''Birêz Abdullah Ocalanî binê tecrîdêkê giranî de yo. Ma netîceyanê nê tecrîdî krîzê welatî de vînenê. Îqtîdarê AKP-MHPyî her ke şino komelî ver bi şerêkê giranêrî beno. Ma do vera na rewşe her ca de rêxistinîya xo xurtêr bikerê.''

Komxebate çapemenîye rê girewte dewam kerd.