Heyetê Rayberdişê Merkezî yê DBPyî derheqê hêrişanê vera sîstemê hemserekîye de eşkerayîyêka bi sernameyê : ''Nîqaşê serê xeta azadîya cinîyan hêrişê şerê taybetî yo'' daye.

Eşkerayîye wina ya:

''Sîstemê hemserekîye binê hêrişanê pîlan de yo ke no sîstem hetê têkoşînê welatperwerî ra dîyarîya şarê ma amebi kerdene. 

Ma sey partîye sey her wextî bi qerardarî û îdîa kewenê weçînayîşanê herêmîyan. Seke zanîyeno namzedê ma hetê şarî ra ameyî weçînayene la nê kerdişî tay kesî nerehet kerdê. Qestî ra yeno waştene ke sîstemê ma yê hemserekîye bêro nîqaşkerdene.

Bi zanayîşî yan zî bi nezanîyeyî nê nîqaşan de terefbîyayîş do seba hêrişanê vera paradîgmaya ma û têkoşînê azadîye yê cinîyan zemînêk virazê. Ganî hêverî namzedê ma û şarê ma na babete de  hîsger bibê. Têkoşînê ma qetî redkerdişê sîstemê hemserekîye qebul nêkero. Pêro namzedê ma zî bi qebulkerdişê nê sîstemî kewtî verweçînayîşan.

Her namzedê ma yê ke do biweçînîyê hemşaredarê şarê ma û partîya ma yê. Ma do qetî krîterê xo yê hemserekîye ra tawîz nêdê. Ma do qetî ferasetê serekîye yê netewe-dewlete qebul nêkerê. 

Sere de namzedê ma yê namzedîye  ma venga pêro şarê xo danê ke wayîrê krîterê temsîlîya têdûşte û hemserekîye vejîyê û nê esasî ser o têkoşînî pîlêr bikerê.''