Partîya Herêmanê Demokratîkan (DBP) kongreya xo ya Îstîsnayî ya 5. Anqara de Merkezê Bazirganîye yê Dinya de kerde. Îdarekarê HDPyî, Meclîsê Mayanê Haştîye û rêxistinê komelê sivîlî zî beşdarê kongre bîyî.

Salona kongre de pankartê 'Ciwanê kurdî serkêşê Ronesansê Rojhelatê Mîyanênî yê' û 'Şima birijnê, cinîyî do newe ra awan bikerê' abîyî.

Sereka Dîwanê Kongre Bedrîye Yorgun dîyar kerd ke têkoşîn teyna pê weçînayîşan nêbeno û bale ante ser ke seba ke kêmasîyê weçînayîşan bêrê raştkerdene rexneyî girîng ê. Yorgune tecrîdê vera Rayberê Şarê Kurdî Abdullah Ocalanî ser û vat ke dezgehê mîyanneteweyî tecrîdî pê bêvengîya xo meşrû kenê.

Wekîla Hemserekan Zekîye Îlbasan zî ard ziwan ke dewrê verê ma de awankerdişê polîtîkaya rayîrê hîrêyînî lazim a.

Wekîlê Hemserekan Faruk Tatliyî pare kerd ke tecrîdê vera Rayberê Şarê Kurdî Abdullah Ocalanî tesîrê pêro şaran keno û ganî Ocalan azad bibo.

Hemserekê HDPyî yê Anqara Pakîze Sînemîllîoglu vat: ''Ganî ma vera na rewşa bêhêvîye bi zerrî bixebitê. Heta ke meseleya kurdan çareser nêba haştîye û demokrasî nênê nê welatî.''

Qiseykerdişan ra dima Komîsyonê Qeraran ame awankerdene û raporo serrane ame wendene.

Pêşnîyazê delegeyan ser o Salîha Aydenîz û Keskîn Bayindir reyna bîyî namzed û bi zafêrê rayan bîyî hemserekê DBPyî.