DEDEF: Ma do vera hêrişan çok medê
DEDEF’î bi eşkerayîyêk waşt ke endamê înan ê ke ameyî destbendkerdene wa serbest bêrî veradayene û vat ke şima nêeşkenê bi zulm o zextî ma mucadeleyê emeg û demokrasî ra dûrî bifînê.
Federasyonê Komeleyanê Dêrsimî (DEDEF) Komela Heqanê Merdiman (ÎHD) ê Stenbolî de semedê endamê xo yê heyetê îdareyî Yusuf Zîya Demîrçîvî û cinîya ci Mehtap Dermîrçivî û endamê xo Erçîn Dermîrî yê ke ameyî destbendkerdene eşkerayîyêk daye û waşt ke wa ê serbes bêrî veradayene.
Serekê Pêroyî yê DEDEF’î Alî Haydar Benî vat ke destbendkerdişî bi keyfî bîyî. La wa hole bêro zanayene ma rîyê nê hêrîşan ra gamêk zî mucadeleyê xo ra pêser nêerzenê.
