Newroza Îstanbulî emser serkêşîya Kongreya Demokratîke ya Şaran (HDK) de bi şîarê 'Wext wextê serkewtişî yo' do bêra fîrazkerdene. Deklarasyonê Newroze yê Îstanbulî Taksîm de otêlêke de ame eşkerakerdene.

Hemvervatoxê HDKyî Esengule Demîr û Cengîz Çîçek, Hemserka HDPyî Pervîne Buldan, Hemserekê EMEPî Ercument Akdenîz, Hemserekê ESPyî Şahîn Tumuklu, îdarekarê xeylêk dezgeh û rêxistinan zî tewrê eşkerayîye bîyî.

Deklarasyono ke hetê Cengîz Çîçekî ra ame wendene bi kilmî wina yo:

''Newroze sere de şarê kurdî bi wayîrvejîyayîşê pêro bindestan bîye sembolê têkoşînê vera zulm û zorbazîye. Kawayê modernî ewro vera Deqahanê nê çaxî têkoşînê azadîye û demokrasî kenê.

Îqtîdarê AKP-MHPyî hêrişanê vera Başûr û Rojawanî reyde hêrişê vera sîyaset, nasname, kultur û estbîyayîşê kurdan zî keno. 24 serrî yo Birêz Ocalan mîyanê sîstemê tecrîd û îşkenceyî de tepişîyeno. Zîndanî vurîyayî cayê mergî, sere de tepişteyê nêweşî tepişteyê sîyasîyî terkê mergî bîyî. Sere de Birêz Ocalan pêro tepişteyê nêweşî û sîyasîyî wa bêrê veradayene. Têkoşînoo rêxistinkerde û yewbîyaye yê şaranê Kurdîstanî û Tirkîya do xoverdayîşê demokratîkî pîlêr bikerê û WEXTÊ SERKEWTIŞÎ de faşîzmî çin bikerê. Ma venga bindestan, têkoşeranê ziwan, bawerî û estbîyayîşî, zîndanan, çalakîkeranê grevî danê ke vera Dehaqanê nê çaxî bêrê Newroze, vera şerê kapîtalîzmî û emperyalîstî bêrê Newroze, seba ke ma pîya heman rayîr a şorê bêrê Newroze, cinîyî û LGBT Îyê ke sereyê xo nêanê war biînad û bi israrî bêrê Newroze, pêro kedkar û xebatkarî ver bi 1ê Gulane bêrê Newroze.

Seba ke qey Keyeyê Şenyaşarî, Mehmet Fatîh Tiraş, Emîne Akçay û Enes Kara, tepişte Mehmet Emîn Ozkano 83 serre, Aysele Tugluk, Rojbîne Çetîn û Kemal Gomî, Ahmet Al-Alî, Vaîl El Mansur, Alî El Hemdan; Oguz Arda Sel, Mehmet Tunç, Tahir Elçî û Hrant Dînk, Gulîstane Doku têkoşîn bêro pîlkerdene ma mil bidê milî, vera Dehaqan bibê Kawa. Ma veng danê ke bi rayîrê 3. bêrê yewca û seba xoverdayîş, serewedaritiş û cuyêka newîye bêrê Newroze.

Newroze destpêkê wisasî û roja hêvîye, hesrete û serkewtişanê pîlan a. Ma do Newroza 2022î sey Newroze azadîye û serkewtişî fîraz bikerê. Seba ke ma waştişê xo yê azadîye bi vengêkê pîlêrî biqîrê dormeyê adirê Newroze de bêrê yewca; coş, hêrs û serewedaritişê xo pîlêr bikerê û her ca de adirê Newroze wey bikerê.''