Kongreya Komelê Demorkatîkî (KCD), Têgêrayîşê Cinîyan ê Azadan (TJA), Partîya Herêmanê Demokratîkan (DBP) û HDP Amed de kom bîyî. Kombîyayîş de deklarasyonê Newroze ame eşkerakerdene.

Kombîyayîş de serek û hemserekanê partîyan mesajê Newroze dayî. Mesajê înan wina yê:

Hemserekê HDPyî Mîthat Sîncar: ''Serra 2022 seba îqtîdarî do biba serra fînalî û Newroza 2022î do biba dîyarkerdişê têkoşînî. Şîarê Newroze  qerardarî û bawerîya serkewtişî eşkera keno. Ma do bi îrade û yewîya nê deklarasyonî şarê kurdî rê berê azadîye û demokrasî abikerê. Polîtîkaya sereke ya HDPyî na ya ke îradeyê tîya û têkoşînê hemparî çarçewa îtîfaqê tewr hîrayî de bîyarê ca. Waştişê azadîye her wextî ra zêdêr rojdem de yo. Haştîye ancax oê têdûştîya şaran, hûrmetê bi îradeyê şaran yena caardene. Adirê Newroza 2022î do rayîrê adirê haştîye, demokrasî û azadîye roşnîye bikero.''

Serekê KKPyî Sînan Çîftyurek: ''Newroza 2022î de waştişê perwerdeyê bi ziwanê dayîke ganî bêro berzkerdene. Îtîfaqê Kurdîstanî azadîya Ocalanî wazeno. Pawitişê azadîya Ocalanî meseleya ma pêroyînan a.

Serekê Partîya Azadîye Ayetullah Aşitî: ''Newroze sembola azadîye ya. Ma abigêrê bawerîyanê xo. Îbadet têna nimaj û roje ra ber vera zehmetîyan pîya xoverdayîş o.''

Aktîvîsta TJA Emele Temel: ''Cinîyê kurdî bi waştişê azadîye yê 8ê Adare Newroze pêşwazî kenê. Ma do bi ruhê 8ê Adare Newroze bikerê Newroza azadîye. Seserra 21. do biba seserra kurdan û cinîyan.''

Serekê DDKDyî Mehmet Veysî Askar: ''Ganî şarê ma bi girseyan tewrê Newroze bibo, sere de waştişê perwerdeyê bi ziwanê dayîke pêro waştişanê xo biqîro.''

Hemserekê DBPyî Keskîn Bayindir: ''Firsendê tarîxîyî pabeyê ma yê. Ma şarê xo reyde Newroza 2022î bikerê Newroza aadîye. Nika wext wextê serkewtişê azadîya kurdan o.''

Qiseykerdişan ra dima serek û hemserekanê partîyan pîya govenda verêne ya Newroze girewte.