Heyetê Delegasyonê Vera Tecrîdî û Seba Çareserîya Meseleya Kurdan Îstanbul de ÎHD û DEM Partî zîyaret kerdî. Zîyaretan de tecrîdê Îmraliyî û tesîrê polîtîkayanê hukmatî yê serê komelî ameyî nîqaşkerdene.
Heyetê Delegasyonê Vera Tecrîdî û Seba Çareserîya Meseleya Kurdan Îstanbul de ÎHD û DEM Partî zîyaret kerdî.
Heyetî Vervatoxa Karanê Teberî ya DEM Partî Ebruye Gunay û Berdan Ozturkî reyde Komeleya Heqanê Merdiman (ÎHD) zîyaret kerde. Hemsereka ÎHDyî ya Îstanbulî Gulîstane Yolerî heyet pêşwazî kerd. Hemvervatoxa Kongreya Demokratîke ya Şaran (HDK) Esengule Demîr û Hemserekê OHDyî yê Îstanbulî Îshal Demîrelî zî zîyaret de cagirewt.
Gulserene Yolerî seba zîyaretî heyetî rê sipas kerd û xebatanê înan ser o agahîyî dayî. Yolerîye îfade kerd ke polîtîkayê îqtîdarê AKP-MHPyî tesîrê pêro komelî kenê.
Heyetî dima Rêxistina DEM Partî ya Îstanbulî zîyaret kerde. Serekwekîla Koma DEM Partî Gulîstane Kiliç Koçyîgît û îdarekaranê partîye heyet pêşwazî kerd.
Pêvînayîş de tecrîdê vera Rayberê Şarê Kurdî Abdullah Ocalanî ame ercnayene. Heyet ewro do Nobeta Edaletî ya Îstanbulî zîyaret bikero.
