Heyetê 'Delegasyonê Mîyanneteweyî yê Seba Çareserîya Meseleya Kurdan û Vera Tecrîdî' bînaya DEM Partî ya qezaya Kuçukçekmece de çalakîkerê Nobeta Edaletî ya Îstanbulî zîyaret kerdî.

Hemvervatoxê Karanê Teberî yê DEM Partî Ebruye Gunay û Berdan Ozturk zî heyet reyde bîyî. Hemserekê MATUHAY-DERî Mehmet Şafî Erolî heyet pêşwazî kerd.

Çalakîkeran endamanê heyetî rê sipas kerd û derheqê çalakîya xo de agahîyî dayî. Çalakîkeran ard ziwan ke armancê înan azadîya Rayberê Şarê Kurdî Abdullah Ocalanî û wedaritişê tecrîdî yê. Keyeyanê nobete dîyar kerd ke heta ke waştişê înan bêrê caardene ê do çalakîya xo rê dewam bikerê. Heman wextî de çalakîkeran derheqê polîtîkayanê vera tepişteyanê sîyasîyan de agahîyî pare kerdî. Wextê zîyaretî de helê hîsgerî qewimîyayî.

Wextê zîyaretî de endamanê heyetî zî qisey kerd û bale ante tesîrê çalakîya nobete ser. Endaman ard ziwan ke ê do paştî bidê nobete.

Zîyaret bi çepik û sloganan qedîya. Endamê heyetî dima do Rêxistina DEM Partî ya Îstanbulî de eşkerayîye bidê.