Hemvervatoxanê Komîsyonê Huquq û Heqanê Merdiman ê DEM Partî Sevda Çelîk Ozbîngol û Ozturkdoganî eşkerayîyêka nuştekîye daye.

Eşkerayîye de wina ame vatene: ''Şar vera destsernayîşê Şaredarîyanê Êlih, Mêrdîn û Xalfetî seba wayîrvejîyayîşê îradeyê xo, bi hawayekê demokrayîkî nêrazîbîyayîşê xo mojneno. La roja verêne ra nata hêzê asayîşî bi îşkenceyan mudaxeleyê şarî keno. Sereştişanê keyeyan de xeylê hemwelatîyî bi îşkenceyî yenê destbendkerdene.

Nê îşkenceyî sûcê vera merdimatîye yê û dûştê qanûnan ê. Tewirê hêzanê asayîşî sey polîtîkaya qeyûman a îqtîdarî nîşaneya dişmenîya vera kurdan a. Ganî cade çalakîkerê ke ameyê destbendkerdene vera bidîyê û derheqê polîsan û selahîyetdaranê îşkencekeran de tehqîqatî bêrê kerdene. Seba ney ma do prosesî teqîb bikerê.''