Avûkatê Rayberê Şarê Kurdî Abdullah Ocalanî Ozgur Faik Erol û birarzayê Abdullah Ocalanî û Wekîlê DEM Partî Omer Ocalan û Hemvervaxotê Komîsyonê Tekîlîyanê Teberî yê DEM Partî Berdan Ozturk û Wekîle Sevîlaye Çelenk û Temlîskarê DEM Partî yê Konseya Ewropa Faîk Yagizayî Strasbourg de xebatê xo di hetan ra domnayî.

Ozgur Faîk Erol û Omer Ocalanî ke roja çarşameyî Komîteya Vergirewtişê Îşkenceyî CPTyî reyde pêvînayîş kerd, ewro Berpirsîyarê Karanê Meclîsê Parlementeran ê Heq û Huqûqê Meriman ê Konseya Ewropa Gunter Schirmerî reyde pêvînayîş kerd.

Pêvînayîş de qesawetê semedê weşî û asayîşê Rayberê Şarê Kurdî Abdullah Ocalanî ardîya ziwan û qala tecrîdê giranî yê 3 serranê peyênan ame kerdene. Reyna ame vîrardene ke Tirkîya goreyê qeraranê Heqanê Merdiman ê Ewropa û Konseya Ewropa tênêgerena û ame waştene ke konseye na babete rolê xo bîyara ca.

Berdan Ozturk, Sevîlaye Çelenk û Faîk Yagizayî zî Sekreterê Pêroyî yê Konseya Ewropa de Marija Pejčinović Burićî reyde pêvînayîş kerd. Heyetî ard ziwan ke Tirkîya qeraranê Mehkemeya Heqanê Merdiman a Ewropa yê derheqê Abdullah Ocalanî nêana ca û waşt wa konseye û CPT berpirsîyarîya xo bîyarê ca. Sekreterê Pêroyî yê Konseya Ewropa Marija Pejčinović Burićîyî zî vat derheqê tecrîdê Îmraliyî de dezgeho eleqedar CPT yo û berpirsîyarîya konseye nêvînayîşî ra ame.