Vervatoxa DEM Partî Ayşegule Dogan vat ê do Îstanbul de namzedanê xo ramojnê û nameyê namzedan do heta 9ê sibate bêrê zelalkerdene.

Vervatoxa Partîya Demokrasîyî û Têdûştîye yê Şaran (DEM Partî) Ayşegule Dogan derheqê qeraranê ke Heyetê Rayberdişî yê Merkezê Partîye de ameyî girewtene de, merkezê pêroyî yê partîye de kombîyayîşê çapemenîye kerd.

Ayşegule Dogan vat: ''Ma vanê ke semedê Îstanbûlî inkey wextê DEMî yo. Hinî wextê ci ame. Semedê Tirkîya wextê DEMî yo. Vatişê wextê DEMî yo, vatişê wextê seyyewbînîye, azadîye, edalet û haştîye yo. Coka ma qerarê xo qet nêpawenê badê kombîyayîşê bi saetan kerd derg, şima de cade pare kenê.''

Persê derheqê namzedîya Başake Demirtaş zî Ayşegule Dogan wina cewab kerd: ''Ma do heta 9ê sibate nameyê namzedan eşkera mekerê. Başake Demirtaş zî mîyanê hewza namzedan de ya.''