DEM Partî bi bernameyêkî namzedê Hemserekîya Şaredarîya Başakşehîrî ya Îstanbulî dayî şinasnayene. Namzedê Şaredarîya Îstanbulî yê DEM Partî Murat Çepnî û Merale Daniş Beştaş zî bername de amede bîyî.

Salona bernameyî de pankartê ''Ma tecrîdî bişiknê, seba haştîye veng bidê zîndanan'' û ''DEM yeno, ma do şaristananê xo îdare bikerê'' ameyî daliqnayene.

Merale Daniş Beştaş bername de qisey kerd û seba DEM Partî şarî ra paştdayîş waşt. Merale îfade kerd ke ê têkoşînê demokrasîyî kenê. Merale Danişe Beştaş bale ante girîngîya Mîtîngê Demokrasî û Azadîye ser û vat: ''Heta ke nê welatî de tecrîd est bo azadîye do nêra. Coka ma tewrê nê mîtîngî bibê û vengê Birêz Ocalanî bieşnawaê.''

Murat Çepnîyî bi kurdkî girse selam kerd û vat: ''Dîyarkerdişê namzedanê xo ra verî her kesî namzedê ma meraq kerdêne. Ma hema newe dest pêkenê. Ma do kuçe bi kuçe bigêrê û pêro bendan birijnê. Ma do Başakşehîr de, Şaredarîya Pîle û Kurdîstan de ser bikewê.''

Bername bi govendan qedîya.