Partîya Demokrasîyî û Têdûştîye ya Şaran (DEM Partî) xeylêk bajaran de xebatê weçînayîşê cayîyî yê 31ê adare rayra berdî. Çarçeweya xebatanê weçînayîşî de buroyî ameyî akerdene û namzedê şaredarîye şarî reyde ameyî têhet.

Hemserekê Pêroyî yê DEM Partî Tuncer Bakirhan  têhetameyîşê Şemzînanî ra dima Geverê Şirnexî de tewrê akerdişê buroyê weçînayîşî bi. Badê vatişê Bakirhanî yê ''Gever bajerêkê têkoşînî yo'' yew fekkî ra soganê  “Bijî Serok Apo”, “Bijî serhildana zindanan” bîyî berz. Bakirvanî vat şarê kurdî weçînayîşê 31ê adare de  qeyûman ke dişmenê kurdan ê, do bişawo.

Hemsereka Pêroyî ya DEM Partî Tulaye Hatimogullari Erxanî ra dima Qers de tewrê têhetameyîşê şarî bîye.  Hatimogullari vistvîre ke qeyûman tabelayê kurdkî wedaritê û merkezê cinîyan qefilnayî û sîstemê hemserekîye hedef girewtî û vat ma do pîya bi şarê xo şaredarîyanê xo newe ra bîgêrê.

Qezaya Qelqelî û Seravî yê Wanî de buroyê weçînayîşî bi coşî ameyî akerdene. Qiseykerdişan ame vatene ke şar do wayîrê îradeyê xo bivejîyo û qeyûman bişawo.

Pîranê Amedî de DEM Partî bi coşî buroyê weçînayîşî akerd. Tetwanê Bedlîsî de zî namezê şarederayî yê DEM Partî bi coşî ameyî pêşwazîkerdene.

Qezaya Şemrexî ya Mêrdînî de buroyo weçînayîşî ame akerdene. Qiseykerdişan de ame vatene ke weçînayîş semedê ameyoxê kurdan û haştîye muhîm o.

Îstanbul de namzedanê DEM Partî Meral Daniş Beştaş û Murat Çepnî Kuçeyê Îstîklalî de esnaf zîyaret kerd.