Hetkarê Hemserekîya Pêroyî yê Komîsyonê Çapemenîye yê DEM Partî ra Berpirsîyar Tayîp Temelî dîyar kerd ke ê Roja Têkoşînê Seba Azadîya Çapemenîye fîraz kenê.

Temelî vist vîrî ke 24ê temmuza 1984î de a roje sey Roja Têkoşînê Seba Azadîya Çapemenîye ameya îlankerdene. 

Temelî eşkerayîye de pare kerd ke Tirkîya de tedayê vera rojnamegerîye qetî nêqedîyayê û her tim est ê. Temelî vat: ''Teyna nê 22 serranê îqtîdarîya AKPyî hêrişê vera çapemenîye û têkoşînê vera nê hêrişan eşkera kerdî. Ewro teyna rojnamegerî ney her keso ke fikrê xo ano ziwan binê hêrişan de maneno. Tirkîya de çapemenîya muxalîfe tim raştê hêrişan yena.

Rixmê nê hêriş, teda û zorbazîyan zî estbîyayîşê rojnamegeranê ke azadîya çapemenîye pawenê seba azadîya çapemenîye têkoşîn kenê û raştîyan nusenê hêvîya xo rê dewam kenê. Azadîya çapemenîye binge ya. Ma sey dezgehanê çapemenîye û kedkaran 24ê temmuze sey roja têkoşînî pênase kenê, selam kenê. Ma hertim hetê rojnamegeran de yê.''